2022-ci ildə Qətərdə keçirilən futbol üzrə dünya çempionatının iştirakçıları üçün pul mükafatının məbləği məlum olub.
911.info.az bu barədə “NBC Sports”a istinadən xəbər verir.
Məlumata görə, Beynəlxalq Futbol Federasiyası komandalar üçün 440 milyon dollar ayırıb. Dünya çempionatının qalibi – Argentina millisi 42 milyon alacaq.
İkinci yeri tutan Fransa komandası 30 milyon, üçüncü yerdə olan xorvatlar 27 milyon, dördüncü yerdə olan mərakeşlilər isə 25 milyon qazanıb.
Turnirin 1/4 finalçılarının hər biri 17 milyon dollar, 1/8 finala yüksələn komandalar isə 13 milyon dollar qazanacaq. Dünya çempionatının yalnız qrup mərhələsində iştirak edən qalan iştirakçıların doqquz milyon əldə edəcək.
