Şuşa-Xankəndi yolunda ekofəalların başlatdığı aksiya 13-cü günündədir. Şuşa ərazisindən keçən Laçın-Xankəndi yolunun Xankəndiyə aid hissəsində Rusiya sülhməramlılarının postunda hərəkətlilik müşahidə olunur.
911.info.az AZƏRTAC-a istinadən xəbər verir ki, Rusiya sülhməramlıları sözügedən ərazidə qurduqları çadırları sökürlər. Məlumata görə, ərazidə quraşdırılmış konteynerlərin başqa yerə daşınacağı gözlənilir. Hazırda onlar bu istiqamətdə fəaliyyətlərini davam etdirirlər.
Hazırda Xankəndidən Laçın istiqamətinə Rusiya sülhməramlılarına məxsus səkkiz ədəd təminat və təchizat avtomobili keçib. Yol, humanitar məqsədlər üçün açıqdır.
