İqtisadiyyat naziri Mikayıl Cabbarov “Dayaq” mükafatının təqdimetmə mərasimində iştirak edib.
911.info.az xəbər verir ki, ölkə iqtisadiyyatı ilə bağlı bir sıra məqamlara aydınlıq gətirən nazir bildirib ki:
“Bu il ilk dəfə Azərbaycanın qeyri-neft ixracının illik dəyəri 3 milyard ABŞ dollarını ötəcək”.
Koronavirus pandemiyasından sonra müsbət dinamikaya nail olunduğunu vurğulayan Mikayıl Cabbarov qeyd edib ki:
“Ölkə iqtisadiyyatı keçən il 5,4 % artıb, bu il oxşar rəqəmlərlə 4,8 % olub. Bu il 15 milyard manatdan çox vergi mədaxilini dekabrın 15-nə təmin etmişik”.
Həmçinin o, əlavə edib ki, İqtisadiyyat Nazirliyi 2023-cü ildə Naxçıvan Muxtar Respublikasındakı Prezidentin səlahiyyətli nümayəndəliyi ilə birgə digər dövlət qurumlarının və sahibkarların iştirakı ilə Naxçıvanda böyük tədbir keçirməyi planlaşdırır.
