İranda Tehranın tanınmış futbol komandalarından birinin bir neçə oyunçusu Dəmavənd şəhərində qonaqlıqda tutulublar.
911.info.az xəbər verir ki, məlumatı “Tasnim” agentliyi yayıb.
Bildirilib ki, qonşuların şikayəti əsasında saxlanılan futolçulardan bir neçəsi içkili olub.
Qeyd edək ki, həbs olunan bu şəxslərin bəziləri İranda keçirilən etiraz aksiyalarına görə motivasiyanın olmadığını söyləsələr də, futboldan danışdıqlarını iddia etmişdilər. Agentlik tutulan futbolçuların adlarını açıqlamayıb.
Xatırladaq ki, İranda idmançılar arasında aksiyaları dəstəkləyənlər az deyil. İran yığma komandasının keçmiş üzvü, tanınmış futbolçu Əli Daei etirazlara laqeyd qalmayaraq sosial səhifəsindən paylaşım etmişdi. Ötən həftə onu ailəsi ilə birlikdə Birləşmiş Ərəb Əmirliklərinə uçan təyyarədən düşürüblər. Tehran hakimiyyəti onun və ailəsinin İrandan çıxmasına qadağa qoyub.
