Bakıda çoxmərtəbəli yaşayış binasında partlayış baş verib.
911.info.az bu barədə Fövqəladə Hallar Nazirliyinə istinadən məlumat verir. Hadisə Nəsimi rayonunun 4-cü mikrorayon adlanan ərazisində qeydə alınıb.
FHN-in Dövlət Yanğından Mühafizə və Xüsusi Riskli Xilasetmə xidmətlərinin müvafiq qüvvələri çağırış üzrə cəlb olunub.
Bildirilir ki, beşmərtəbəli yaşayış binasının üçüncü mərtəbəsində yerləşən və ümumi sahəsi 40 m² olan ikiotaqlı mənzildə, ilkin ehtimala görə, məişət qazının sızması nəticəsində yanğınla müşahidə olunmayan partlayış baş verib.
Partlayış dalğasının zərbəsindən mətbəxin və eyvanın pəncərə çərçivələri yerindən çıxıb, mənzilə ziyan dəyib. Hadisə nəticəsində biri azyaşlı olmaqla iki nəfər xəsarət alıb.
Faktla bağlı araşdırma aparılır.
