2024-cü il Avropa çempionatının seçmə mərhələsinin II turunda keçiriləcək İsveç-Azərbaycan oyununun bilet satışına start verilib.
Bu barədə İsveç Futbol Assosiasiyası məlumat yayıb.
Biletlərin qiyməti sektordan asılı olaraq 150-300 İsveç kronu (təxminən 25-50 manat), xüsusi assosiasiya biletlərinin qiyməti isə 75 krona (12 manat) bərabərdir.
Qeyd edək ki, İsveç-Azərbaycan matçı martın 27-də Stokholmdakı “Friends Arena”da keçiriləcək.
