Azərbaycanın gənc karateçisi Amin Yadigarlı Birləşmiş Ərəb Əmirliklərinin (BƏƏ) Fucayra şəhərində keçirilən “Karate1 Youth League” turnirində qalib olub.
Azərbaycan Karate Federasiyasının yaydığı məlumata görə, 55 kq çəki dərəcəsində yarışan idmançı bütün rəqiblərindən güclü olaraq, qızıl medal qazanıb.
Qeyd edək ki, daha əvvəl Nicat Kərimli (75 kq) və Rumil Cəfərli (76 kq) gümüş medala layiq görülüb.
