Bu gün futbol üzrə Azərbaycan Premyer Liqasında XXV tura start veriləcək.
Məlumata görə, ilk oyun günündə bir qarşılaşma baş tutacaq. “Zirə” öz meydanında “Şamaxı”nı qəbul edəcək.
24 turdan sonra paytaxt təmsilçisi 35 xalla 4-cüdür. 19 xala malik şamaxılılar isə 8-ci pillədə qərarlaşıblar.
“Şamaxı” son 10 oyunda “Zirə”yə qalib gəlməyib. Bakılılar ardıcıl 7 matçda qol buraxmayıblar.
Turun digər oyunları şənbə və bazar günləri keçiriləcək.
