Doqquzmərtəbəli yaşayış binasının 6-cı mərtəbəsində yanğın baş verib. Hadisə Binəqədi rayonu, S.S.Axundov küçəsində qeydə alınıb.
911.info.az FHN-ə istinadən xəbər verir ki, yanğın zamanı ümumi sahəsi 101 m² olan 4 otaqlı mənzilin 1 otağının və eyvanının yanar konstruksiyaları 26 m² sahədə sıradan çıxıb.
Yüksək temperaturdan mətbəxin tavan örtüyü 7 m² sahədə əriyib. Yanğın zamanı 6 nəfər bina sakini yanğınsöndürənlər tərəfindən təhlükəsiz əraziyə təxliyə olunub. Mənzilin qalan hissəsi yanğından muhafizə olunub.
Yanğın yanğından mühafizə bölmələri tərəfindən söndürülüb.
