“Biz infrastrukturu qurmaqla yanaşı digər məsələləri də müəyyən etməliyik. Bakı ilə regionda yaşayanlar arasında boşluqları aradan qaldırmalıyıq”.
Bu barədə İnnovasiya və Rəqəmsal İnkişaf Agentliyinin sədr əvəzi İnarə Vəliyeva “GSMA M360 Avrasiya” beynəlxalq konfransında çıxışı zamanı bildirib.
“Hətta elektron hökumət xidmətlərinin istifadə edilməsi istiqamətində də müəyyən boşluqlar müəyyən edilir. Daha çox rəqəmsal savadlılığı artırmaqla, rəqəmsal ekosistemi inkişaf etdirməklə, ekotek sistemini davamlı təmin etməklə biz uçurumun qarşısını almış olacağıq”,- deyə İnara Vəliyeva vurğulayıb.
