Ev Cəmiyyət Biləsuvarda 3 gün əvvəl bıçaqlanan 54 yaşlı kişi xəstəxanada ölüb

Biləsuvarda 3 gün əvvəl bıçaqlanan 54 yaşlı kişi xəstəxanada ölüb

41

Biləsuvarda 3 gün əvvəl bıçaqlanan 54 yaşlı kişi xəstəxanada ölüb.

“Report”un əldə etdiyi məlumata görə, iyunun 8-də saat 16:35 radələrində qarının ön divarının, ətrafların çoxsaylı və döş qəfəsinin bir ədəd kəsilmiş-deşilmiş yarası diaqnozu ilə Biləsuvar Rayon Mərkəzi Xəstəxanasına gətirilən Biləsuvar rayonu Nəsimi kənd sakini Almasov Azad Xeyrulla oğlu həkimlərin səyinə baxmayaraq, dünyasını dəyişib.

Qeyd edək ki, sözügedən tarixdə Biləsuvar-Bəhrəmtəpə yolunun 12-ci km-də, yol kənarında Biləsuvar rayonu Nəsimi kənd sakini, Şəbiyev Elşən Bəhlul oğlu şəxsi münasibətlər zəminində qabaqcadan özü ilə hadisə yerinə gətirdiyi bıçaqla 1969-cu il təvəllüdlü, həmkəndlisi Almasov Azad Xeyrulla oğlunun qəsdən qarının ön divarına beş dəfə və döş qəfəsinə bir dəfə zərbə endirib.

Nəticədə sonuncu döş qəfəsinə daxilə keçən kəsilmiş-deşilmiş yarası xəsarəti alıb.Sonra E.Şəbiyev kənar şəxslərin hadisə yerinə gəldiklərini görüb oradan qaçıb.Faktla bağlı Azərbaycan Respublikası CM-nin 29, 120.1-ci maddəsi ilə cinayət işi başlanaraq ibtidai istintaqı aparılır.

İş üzrə Şəbiyev Elşən Bəhlul oğlunun həmin cinayət əməlini törətməsinə əsaslı şübhələr müəyyən edildiyindən o şübhəli şəxs qismində tutulub.

Əvvəlki məqaləKasım-Jomart Tokayev iyunun 12-ni milli matəm günü elan edib
Növbəti məqalədəLənkəranda ikimərtəbəli ev yanıb