Qazaxıstanın paytaxtı Astanada cüdo üzrə Böyük Dəbilqə turniri bu gün start götürəcək.
İlk gündə Azərbaycanın 8 cüdoçusu tatamiyə çıxacaq.
Kişilərin yarışında 60 kq çəki dərəcəsində Kənan İsmayılov və Nazir Talıbov 1/16 finaldan yarışa qoşulacaqlar. İsmayılov türkmənistanlı Aybek Omirov, Talıbov isə portuqaliyalı Françisko Mendeşlə qarşılaşacaq.
Kəramət Hüseynov 66 kq-da 1/16 final görüşünə çıxacaq. Onun rəqibi Tacikistan təmsilçisi Nurali Emomali olacaq. Həmin çəkidəki digər cüdoçu Kamran Süleymanov da eyni raundda tacikistanlı idmançıya rəqib olub. O, Obid Dzebovu üstələməyə çalışacaq.
