Ev Cəmiyyət Bakı metrosunda halı pisləşən sərnişin vəfat etdi

Bakı metrosunda halı pisləşən sərnişin vəfat etdi

45

“Elmlər Akademiyası” stansiyası istiqamətində “Dərnəgül-Həzi Aslanov” marşrutu ilə hərəkət edən qatarın maşinistinə bir sərnişinin özünü pis hiss etməsi barədə məlumat daxil olub.

“Bakı Metropoliteni” QSC-dən Oxu.Az-a bildirilib ki, dərhal müvafiq tədbirlər görülüb, o cümlədən təcili tibbi yardım xidməti dəvət edilib, sərnişin stansiyada düşürülüb, ilkin yardım göstərilib.Təəssüf ki, tibbi yardım xidməti gələnə qədər sərnişin dünyasını dəyişib.

Qeyd edək ki, vəfat edən sərnişin Bakı Metropoliteninin Tunel Qurğuları Xidmətinin əməkdaşı 1959-cu il təvəllüdlü Kamil Zeynalov olub. O, bir neçə il əvvəl ürəyində cərrahi əməliyyat keçirdiyi üçün müvafiq tibbi protokola uyğun olaraq, xidmətin yalnız gündüz işlərinə cəlb edilirdi.

Əvvəlki məqaləPaytaxtda “Kənddən Şəhərə” fermer məhsulları yarmarkası keçirilir
Növbəti məqalədə“River Pleyt” vaxtından əvvəl Argentina çempionu oldu