“Martinika qadınları diskriminasiya və müstəmləkəçiliyin təzahürləri ilə mübarizəni davam etdirirlər”.
“Report” xəbər verir ki, bunu Müstəqil Martinika Naminə Ekoloqlar və Demokratlar Hərəkatının vitse-prezidenti Klodet Duhamel Bakıda “Dekolonizasiya: Qadınların hüquqlarının və imkanlarının genişləndirilməsi” mövzusunda beynəlxalq konfransda deyib.
O vurğulayıb ki, Fransanın müstəmləkəçilik siyasətindən ən çox Martinika qadınları əziyyət çəkiblər:
“Onlar cinsi zorakılığa, köləliyə, dəhşətli diskriminasiyaya məruz qalıblar”.
K.Duhamel qeyd edib ki, qadınlar ölkənin ictimai həyatında iştirak edə bilməyib və sistemə tabe olmaq məcburiyyətində qalıblar:
“Bu, bizim siyasi sistemimizə mənfi təsir etdi: qadınlar qərarların qəbulunda iştirak edə bilmədilər və cəmiyyət inkişaf etmədi”.
