“2024-cü ilin noyabrında Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyası (COP29) iqlim ambisiyaları silsiləsində ən mühüm hadisədir.“Report”un məlumatına görə, bunu BMT-nin İqlim Dəyişikliyi üzrə Çərçivə Konvensiyasının icraçı katibi Saymon Stil ADA Universitetində çıxışı zamanı deyib.O vurğulayıb ki, COP-un ev sahibi və prezidenti olmaq həm şərəf, həm də böyük öhdəlik və məsuliyyətdir:“Mən bir daha Azərbaycan hökumətinə və xalqına təbriklərimi çatdırıram. Bu il, xüsusən də son günlər, Bakıda apardığımız konstruktiv və düşünülmüş müzakirələr məni çox ruhlandırdı. Genişmiqyaslı dəyişiklikləri idarə etmək üçün ağır işləri üzərinə götürməyə hazır olmaq çox vacibdir. Çünki artıq dünyanın iqlim mübarizəsinin bütün aspektlərində işlərin normal vəziyyətə qayıtmasının vaxtı çatıb”.BMT-nin icraçı katibi bildirib ki, həm qlobal istiləşməni 1,5 dərəcəyə qədər məhdudlaşdırmağa, həm də bütün xalqları iqlim dəyişikliyinin təsirlərindən qorumağa nail olsaq, dünyanın necə görünəcəyini təsəvvür edərək, 2050-ci ilə irəliləmək mümkün olacaq:“Əlbəttə ki, bu, utopiya olmayacaq… Bu uğur vizyonunda qlobal enerji sistemləri xalis sıfır emissiya səviyyəsindədir. Ölkələr və ya ən azı regionlar enerji ilə özünü təmin edəcəklər. Bərpa olunan mənbələr enerjini hamı üçün əlçatan, əlverişli və proqnozlaşdırılabilən hala gətirdi. Bu o deməkdir ki, biz keçmişdə iqtisadi meyilləri və konfliktləri formalaşdıran sarsıntılardan və bərabərsizliklərdən qaça bilərik”.Saymon Stil hesab edir ki, əvvəllər qalıq yanacaq subsidiyalarına sərf olunan trilyonlar daha yaxşı məqsədlər üçün xərclənə bilər:
“Səhiyyə, təhsil, geridə qalanlar üçün təhlükəsizlik şəbəkələri”.
O qeyd edib ki, böyük şəhərlərdə havanın çirklənməsi səbəbindən küçələrə çıxmaq artıq tibbi baxımdan təhlükəli deyil:“Nəticədə hər il milyonlarla həyat xilas olunur. İqlimədavamlılıq və uyğunlaşma istiqamətindəki 25 illik investisiyalar, kənd təsərrüfatı təcrübələri və təbiəti qorumaq istiqamətindəki dəyişikliklər ekstremal iqlim hadisələrindən insanlara və əmlaka dəyən zərəri azaldıb.
