“Qarabağ” klubu “Dinamo Zaqreb”lə matça iki aparıcı oyunçusu – Marko Veşoviç və Marko Yankoviç olmadan çıxacaq.
Oxu.Az xəbər verir ki, Bolqarıstanda “Ludoqorets”ə qarşı III təsnifat mərhələsinin cavab matçında zədələnən monteneqrolu oyunçuların hər ikisinin əzələsində problem aşkarlanıb.Veşoviç iki-üç, Yankoviç isə dörd-altı həftə yaşıl meydanlardan uzaq qalacaq.
Qeyd edək ki, Bakıda rəqibinə uduzan (1:2) “köhlən atlar” səfərdə “Ludoqorets”i 7:2 hesabı ilə üstələyib.
