Bu gün Milli Məclisə növbədənkənar seçkilərlə bağlı 105 saylı Tovuz-Gədəbəy seçki dairəsindən deputatlığa namizəd Nağıyev Arzu Nəsib oğlunun təbliğat- təşviqat kampaniyası çərçivəsində Gədəbəy rayonunun Poladlı və Novosaratovka kəndlərində seçicilərlə görüş keçirildi.
911.info.az xəbər verir ki, ilk olaraq torpaqlarımızın qorunması və işğaldan azad edilməsi uğrunda canlarından keçən şəhidlərimizin abidə komleksi ziyarət olunaraq, əziz xatirələri böyük ehtiramla yad edildi, abidə kompleksi üzərinə tər çiçəklər qoyuldu. Daha sonra seçicilərlə görüş keçirilərək namizədin platforması açıqlandı, seçicilərin fikir və təklifləri dinlənilərək müvafiq qeydlər aparıldı.Həmçinin Gədəbəy rayonunun Novosaratovka kəndində şəhid Hüseynov Azər Mahal oğlunun ailəsinə baş çəkildi, şəhid ailəsini maraqlandıran suallara aydınlıq gətirildi.
