“Nazirlər Kabinetinin 2024-cü il 6 sentyabr tarixli qərarı ilə 5 600 manatdan hər bir təhsil alan rezidentə düşən illik vəsait 8 600-ə qaldırılıb”.
Oxu.Az xəbər verir ki, bu barədə Milli Məclisin Sosial qanunvericilik şöbəsinin müdiri Adil Vəliyev Səhiyyə komitəsinin bu gün keçirilən iclasında danışıb.
“Onların aylıq vəzifə maaşı həkimlərin tarif maaşına bərabərdir. Hazırda 550-575 manat arasındadır. Bu da onların dərəcələrinə görə dəyişir. Bildiyiniz kimi, həkimlərin də tarif maaşı 550-700 manat arasındadır”, – deyə şöbə müdiri bildirib.
