“Azərbaycan-Suriya Biznes Şurası yaradılır”.
Oxu.Az xəbər verir ki, bu fikirləri Suriyanın iqtisadiyyat və sənaye naziri Mohammad Nidal al-Shaar İkinci Beynəlxalq İnvestisiya Forumu çərçivəsində keçirilən “Etibarlılığın bərpası parçalanmış dünyada: Azərbaycan regionlar arasında strateji qapı kimi” adlı panel sessiyada deyib.
O bildirib ki, Suriya son 60 ildə itirdikləri dünya ilə yenidən əlaqə qurmağa başlayır:
“Bu, asan bir vəzifə deyil, çox çətindir. Sözügedən istiqamətdə artıq müxtəlif ölkələrlə biznes əlaqələrinin yaradılmasına başlanılıb. Bir həftə əvvəl Özbəkistanda biznes şurasının yaradılması ilə bağlı razılaşma əldə olunub. Azərbaycan-Suriya Biznes Şurasının yaradılacağını elan edəcəyik”.
